Nadat ek vir geruime tyd “Sciatica” ondervind het het ek besoek by my Chiropraktisyn afgele. Na drie besoeke wou hy weet hoekom ek soveel spanning in my liggaam saamdra. Ek het hom kortliks vertel van die Traumatiese gebeure om my eggenoot se afsterwe. Hy het net sy kop geskud, my meegedeel daar is te veel emosionele spanning in my liggaam opgesluit en daarom bly my spiere styf. Hy het my na Dina, die BSR Praktisyn verwys. Van die eerste oomblik wat ek by haar praktyk ingestap het het ek ontspanne begin voel. Die eerste twee afsprake was baie ontspannend maar tussen in het die spanning teruggekeer. Tydens die derde afspraak ( en ek deel dit nie ligtelik nie) was daar so ‘n warm gevoel oor my rug terwyl Dina liggies gewerk het. Sy het die ontladings proses verduidelik. Daar was onmiddelik verligting en trane van dankbaarheid het gevloei. Dina het my bewus gemaak om na my liggaam te luister
Ek is innig dankbaar vir wat sy met die BSR proses bereik het.

“My eerste vreugde was ‘n keiserbabatjie, maar sy het vir ses weke aanhoudend gehuil. My ma is ’n getroue aanhanger van Body Stress Release en stel dit toe voor. Ek was so desperaat dat ek die praktisyn dadelik gekontak het. My stryd was na die eerste sessie al so te sê gewonne. My bondeltjie is nou net ʼn plesier.”

“Op ʼn vriendin se aanbeveling het ek ’n Body Stress Release-praktisyn as gevolg van my rugpyn besoek. Ek stotter my lewe lank al, en het toe weer my storie uitgestotter. Die praktisyn het die nodige assessering gedoen en my meegedeel dat ek ’n oorspanne kakebeen het. Sy het nie net aan my rug gewerk nie, maar ook aan my kakebeen. By die huis het my man opgemerk dat ek nie meer stotter nie en sedertdien is my stotter iets van die verlede. Wat ’n bonus!”